Fevral ayın irmi edisindä, Valkaneş dolayı gagauz dili hem literaturası üüredicilerin metodika topluşu geçti.
Metodika teması: «Proekt nicä bir kolaylık kaliteli kantarlamak işindä. Gagauz dili hem literaturası, gagauz halkın istoriyası hem adetleri derslerindä aaraştırmak işlerin oluşturması hem ilerlemesi».
PK Çeşmäküü teoretik liţeydä 7-ncı klasta açık urok geçti. Tema: «İnsan hem kadem». «İilii yapan – iilii bulȇr» Gavril Gaydarcı. Masal «Kara Kotoy». «Haliştennik».
Üüredici Kivel Natalya Evgenyevna hazırladı dersin proektini, kullanarak aaraştırmak prinţipini. Zamandaş okulda önemni sayılȇr diil sade vermää hazır informaţiyayı aklında tutmaa, ama yaşamakta becermää aaraştırmaa hem kullanmaa kabledilmiş bilgileri .
Derstä kullanıldı metodlar hem tehnologiyalar: annadıcı – ilustrativ, aaraştırıcı, GİD metodu, « Sinkveyn», «Düşün, incelä, paylaş», «Bitir cümleyi», «Paylaş duygularınnan», “Kalın hem incä soruş”, “Mnemotehnika-rifma-haliştennik afiksleri“, “ İstoriyadan haberlär”, Çıkışlar”, İnformativ proekt “Haliştennik” , “Tanı, çıkar, kullan afiksleri” .
Power point, you tube, story jumper platformalarda düzülmüş iş verdi kolaylık üüsek uurda geçirmää “ Olur mu bu düümeksiz?” diskusiyayı.
Üürenicilär çalıştılar subyekt olarak, kendibaşına, yaratıcılık uurunda, aktiv, cuvapçı, çözeräk türlü problemneri.
Herbirinä iş verildi becermeklerinä görä. Bütün uroon süresindä oldu kestirilmedik kantarlamak: biri-birini, kendini hem üüredicinin kantarlamak çıkışı.
Dersin etapları baalıydılar biri-birinä.
Neetlär tamannandı.
Metodika topluşu üüredicileri yaptılar derin analiz dersä , notalayıp «pek ii».
