Главная » Новости » Genel Diktant Gagauz dilindä

423 просмотров

Genel Diktant Gagauz dilindä

Gagauz millet yortusuna «Ana Dilimiz» bütün Avtonomiya bölgesindä Gagauz Eri geçecek onlayn – akţiya «Genel Diktant Gagauz dilindä». Tek diktantı hazırlêêrlar Gagauz Yeri Genel Üüretmäk Müdürlüü hem Gagauziya M.V. Maruneviç adına bilim-aaraştırma merkezi.
Avtonomiyada neetä koyulda korumaa, desteklemää, ilerletmää, kaldırmaa gagauz dili hem onun rolünu, nicä bir gagauz halkın ruh hem kultura mırası.
«Genel Diktant Gagauz dilindä» geçecek çiçek ayın 20-indä saat 12-dä distanţion formatta. Onlayn-diktantı deyni geçirmää Gagauz Yeri Genel Üüretmäk Müdürlüü hem Gagauziya M.V. Maruneviç adına bilim-aaraştırma merkezi ayırdı ofiţial sayfaları Facebook. Akţiyada var nicä pay alsınnar Gagauziyanın hepsi yaşayannarı:
— 1-ci bölüm – 13-19 yaşında;
— 2-ci bölüm – 20-dän zeedä yaşta.
Onlayn-diktant geçecek saat 12-dä çiçek ayın 20-indän. Diktantı lääzım olacek yazmaa latin grafikasında formatta A4 yada tefter yapraanda, gösteräk onun yukarkı erindä, köşesindä: soyadını, adını, üürenmäk yada işin erini, gün duumasını, küüyü/kasabaayı.
Diktantı yazmaa bitirdikçä, pay alannara lääzım olacek 10 minudun içindä patredä çıkarmaa diktantı da yollamaa onu elektron poçtya geneldiktant@gmail.com. Kim bu vakıdın içindä yollamayacek işini, onun diktantı bakılmayacek.
Поделиться:
Май 2024
Пн Вт Ср Чт Пт Сб Вс
« Апр    
 12345
6789101112
13141516171819
20212223242526
2728293031